Nesër në Kosovë pritet të mbajë mot me vranësira e intervale kohore me diell. Herë pas here lokalisht priten riga shiu e në Dukagjin mund të ketë edhe ndonjë rrebesh lokal shiu me vetëtima e bubullimë.
Reshjet do të jenë kryesisht të pakta në Rrafshin e Kosovës e pak më intensive në Dukagjin sidomos pasdite vonë dhe në mbrëmje.
Temperaturat pritet të lëvizin nga 7 minimalja deri në 22 gradë Celsius ajo maksimale.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me vranësira të shpeshta, intervale kohore me diell dhe zhvillime të rrebesheve të izoluara të shiut me vetëtima e bubullimë në pjesë të territorin shqiptar dhe në pjesë të Maqedonisë së Veriut. Vende-vende mund të ketë rrebeshe intensive, por reshjet mbesin më shumë në zona të izoluara.
Të Premten priten më shumë intervale me diell dhe më pak vranësira e ndonjë rigë ose rrebesh i izoluar shiu.
Më shumë zhvillime të rrebesheve priten në pjesët qendrore dhe jugore të Shqipërisë dhe atë më shumë në viset malore.
Fundjava sipas parashikimeve më të fundit pritet të karakterizohet me mot kryesisht me diell dhe relativisht i ngrohtë pranveror me temperatura deri në 20 ose pak mbi 20 gradë Celsius edhe në Kosovë./MeteoBallkan
