Nesër në Kosovë pritet të mbajë mot kryesisht me diell dhe shumë i nxehtë. Temperaturat maksimale pritet të lëvizin nga 35 deri në 38 gradë Celsius. Nuk përjashtohet mundësia që temperatura të ngritet edhe ndonjë shkallë më lartë. Pasdite priten disa zhvillime konvektive dhe në disa vise malore mund të ketë ndonjë rrebesh shiu me vetëtima dhe bubullimë.
Në Shqipëri dhe rajon nesër pritet të mbajë mot kryesisht me diell dhe shumë i nxehtë. Pasdite në disa vise malore mund të ketë zhvillime të izoluara me ndonjë rrebesh të izoluar shiu me vetëtima dhe bubullimë.
Të shtunën destabilizim i motit. Përpos intervaleve kohore me diell, gjatë dites priten zhvillime të vranësirave konvektive të cilat pritet të kushtëzojnë rrebeshe lokale shiu me vetëtima dhe bubullimë. Rrebeshe priten në tërë rajonin, por do të jenë të karakterit lokal. Vende-vende ka gjasa për shtrëngata lokale me breshër. Temperaturat shënojnë ulje graduale.
Nga e diela na pret mot i ndryshueshëm, me intervale kohore me diell dhe vranësira të cilat pritet të zhvillohen dhe të kushtëzojnë rrebeshe lokale shiu me vetëtima dhe bubullimë. Rrebeshe shiu nganjëherë priten edhe në bregdet, por po ashtu priten intervale të gjata kohore me diell./MeteoBallkan
