Në Kosovë nesër do të mbajë mot i nxehtë, me intervale të gjata diellore dhe me vranësira kalimtare. Pasdite në disa rajone ka gjasa për rrebeshe lokale shiu me vetëtima dhe bubullimë.
Në Shqipëri nesër në shumicën e territorit do të mbajë mot me diell dhe mjaft i nxehtë.
Edhe në Maqedoni nesër do të ketë mot me diell dhe mjaft të nxehtë kurse pasdite ka gjasa për ndonjë rrebesh të izoluar shiu me vetëtima dhe bubullimë.
Edhe pse Gadishulli Ballkanik është përfshirë nga masa ajrore ciklonike me qendër në Gjirin e Gjenovës sistemet e fuqishme ajrore që sjell ky ciklon me rrebeshe jashtëzakonisht të fuqishme shiu, me vetëtima dhe bubullima të forta dhe me breshër do të zhvillohen dhe do të vendosen në drejtim të veriut nga territoret tona dhe kështu ne do të shpëtojmë nga këto stuhi kurse që nga Sllovenia, Kroacia, Bosnja e deri në Serbi do të ketë goditje të fuqishme nga këto stuhi.
Pra rajoni Ballkanik do të përfshihet ditëve të ardhshme nga stuhi jashtëzakonisht të fuqishme të cilat nuk do të depërtojnë tek ne. Nëse ka ndonjë ndryshim eventual do të njoftoheni me kohë në Meteoballkan.
