Gajatë natës pritet të ketë dendësim masiv të vranësirave dhe orëve të hershme të mëngjesit pritet depërtimi i një sistemi masiv të vranësirave me reshje shiu, lokalisht me rrebeshe, ndërsa në Shqipëri priten rrebeshe të shoqëruara me vetëtima dhe bubullimë. Vende-vende parashihen reshje intensive, por reshje nuk do të duhej të zgjasin shumë.
Gjatë ditës së Premte reshjet pushojnë dhe priten intervale kohore me diell, megjithatë lokalisht ende mund të ketë reshje. Në mbrëmje depërtim i frontit të ftohtë dhe ulje e ndjeshme e temperaturave me reshje të pakta shiu, shqote e bore.
Rrebeshe intensive shiu priten në pjesën më të madhe të Shqipërisë gjatë mëngjesit të së Premtes dhe pastaj reshjet do të përfshijnë edhe Maqedoninë Veriore dhe Luginën e Preshevës. Borë vetëm në viset malore.
Reshje të dendura priten edhe në Mal të Zi.
Fundjava vjen ndjeshëm më e ftohtë, por asgjë ekstreme. Do të ketë vranësira e reshje të herëpashershme, lokale kryesisht bore në shumë pjesë të Kosovës dhe viset kodrinore-malore të rajonit. Nuk priten reshje të mëdha. Intervale më të shpeshta kohore me diell priten në pjesë të Shqipërisë dhe Maqedonisë së Veriut e nganjëherë (më rrallë) në pjesë të Kosovës./MeteoBallkan
