Nesër në mëngjes në Kosovë do të mbajë mot mjaft i ftohtë në ato rajone ku është krijuar mjegulla, kurse në ato rajone ku mjegulla nuk do të mund të përqëndrohet do të ketë ngritje të temperaturave. Gjatë ditës pritet të kemi ngritje të temperaturave në gjithë territorin. Në disa rajone gjatë mëngjesit mund të ketë reshje të dobëta shiu apo bore.
Në Shqipëri nesër paradite pritet shtim i vranësirave dhe reshje lokale shiu. Reshjet nuk do të jenë të intensitetit të fortë por mjaft të dobëta. Gjatë ditës pritet ndërprerje e të reshurave dhe ngritje e temperaturave.
Edhe në Maqedoni dhe Mal të Zi pritet të kemi mot të ngjashëm me vranësira kalimtare, ndonjë rigë të dobët dhe afatshkurtër shiu por me ngritje të temperaturave.
Në fundjavë në tërë rajonin tonë pritet ngritje e mëtutjeshme e temperaturave si dhe do të kemi erëra jugore. Gjithashtu do të kemi edhe vranësira të herëpashershme dhe në disa rajone ndonjë rigë e dobët shiu mund të paraqitet. Kjo vjen si pasojë e masave ajrore më të nxehta nga Afrika Veriore dhe Oqeani Atlantik të cilat do të dëbojnë ajrin e ftohtë thellë në lindje dhe veri të Kontinentit. Fillimi i javës së ardhshme do të jetë relativisht i nxehtë, kurse përkeqësim të motit do të kemi shumë shpejt në fillim të javës së ardhshme por detaje përë këtë do të kemi në postimet tona të ardhshme në meteoballkan.com./Meteoballkan.
