Nesër në Kosovë do të mbajë mot kryesisht i vranët. Gjatë ditës do të rifillojnë reshjet e shiut fillimisht në Dukagjin e pastaj në viset tjera të vendit. Në perëndim, veriperëndim dhe jug të Kosovës priten reshje të dendura shiu që mund të rëndojnë gjendjen me përmbytjet në ato zona dhe zonat përreth. Gjatë natës në viset e larta malore do të fillojnë reshje bore.
Në Shqipëri nesër pritet një ditë tjetër me reshje mjaft të dendura shiu dhe rrebeshe lokalisht të fuqishme shiu me vetëtima dhe bubullimë si dhe me erëra kalimthi mjaft të fuqishme. Reshjet e nesërme do të rëndojnë edhe më tutje gjendjen në zonat e përmbytura nga reshjet e ditëve të kaluara.
Reshje të fuqishme shiu nesër priten edhe në Mal të Zi dhe po ashtu edhe në Maqedoninë Veriore dhe Luginën e Preshevës herë pas here priten reshje të dendura shiu. Në mbrëmje vonë dhe gjatës natës reshjet do të pushojnë në Kosovë dhe Maqedoni për të vazhduar ende në formë të rrebesheve lokale në Shqipëri.
Nga e mërkura do të ketë stabilizim gradual të kushteve të motit. Do të ketë vranësira dhe intervale kohore me diell, por reshje të lokalizuara do të ketë ende në disa rajone të intensitetit kryesisht të dobët.
Të enjtën dhe të premtën pa reshje atmosferike.
Për fundjavë pritet të ketë shtim të vranësirave dhe reshje lokale shiu e bore./MeteoBallkan
