Nesër në Kosovë do të mbajë mot me vranësira kalimtare dhe intervale kohore me diell. Temperaturat do të shënojnë ngritje të mëtutjeshme. Reshje atmosferike nuk priten përpos ndonjë rige të dobët dhe afatshkurtër shiu lokalisht.
Edhe në Shqipëri nesër mot me diell dhe vranësira kalimtare kurse vende- vende ka gjasa për riga të dobëta dhe afatshkurtëra shiu.
Mot i ngjashëm do të mbajë edhe në Maqedoni dhe Mal të Zi, pra më i nxehtë, me intervale kohore me diell dhe vranësira të herëpashershme.
Mot i ngjashëm dhe pak më i nxehtë do të mbajë edhe të dielen në tërë rajonin tonë. Do të ketë intervale kohore me diell por edhe vranësira kalimtare.
Të hënën gjatë ditës fillimisht në Kosovë dhe Mal të Zi e pastaj edhe në Shqipëri dhe Maqedoni pritet të fillojnë reshjet e shiut nëpër ultësira, kurse në viset malore ato do të shndërrohën në reshje bore shumë shpejt. Gjatë mbrëmjes dhe gjatë natës reshjet e borës do të përfshijnë shumë qytete të Republikës së Kosovës veriun, verilindjen dhe lindjen e Shqipërisë si dhe perëndimin e Maqedonisë. Reshjet e borës nuk do të jenë afatgjata, kurse pritet edhe ulje e theksuar e temperaturave. Të Martën mot kryesisht i thatë por i ftohtë, me erëra të ftohta veriore dhe ndonjë fluske bore./Meteoballkan.
