Nesër në Kosovë gjatë ditës pritet të mbajë mot kryesisht i thatë me ndonjë përjashtim ku mund të ketë ndonjë rigë lokale shiu apo fjollë bore. Gjatë orëve të vona të mbrëmjes dhe natës pritet të fillojnë reshje shiu dhe bore në shumë pjesë të Republikës së Kosovës. Reshjet eventuale të shiut pastaj do të shndërrohen në reshje bore të cilat herë pas here priten të jenë të dendura.
Në Shqipëri nesër mot mjaft i ndryshueshëm, jugu , juglindja dhe lindja do të përfshihen nga reshje të dendura shiu, respektivisht bore në viset kodrinore malore por edhe në disa ultësira, kurse në rajonet tjera do të kemi ndërprerje graduale të të reshurave atmosferike. Mund të themi se nesër gjysma e territorit të Shqipërisë do të ketë reshje të dendura kurse gjysma tjetër reshje më të pakta. Pra është fjala për rajonet nga qendra në drejtim të jugut, juglindjes dhe lindjes.
Edhe Maqedonia perëndimore nesër do të përfshihet nga reshje të dendura bore të cilat në disa ultësira mund të përzihen me reshje shiu, por kryesisht priten reshje bore. Në pjesët tjera të Maqedonisë priten reshje të dendura shiu. Në Mal të Zi nesër nuk priten reshje të dendura, por reshje mesatare deri të dobëta shiu.
Gjatë ditës së Enjte në Shqipëri dhe Maqedoni reshjet do të ndërpritën përkohësisht por reshjet e dendura të borës do të vazhdojnë në shumë pjesë të Republikës së Kosovës. Natën mes së Enjtes dhe të Premtës vjen cikloni tjetër ku përsëri do të kemi rifillimin e reshjeve të dendura të borës në rajonet e lartëpërmendura të Shqipërisë dhe Maqedonisë. Pas ndërprejeve afatshkurtër të reshjeve në Kosovë, reshjet e borës pritet të rifillojnë përsëri natës mes së Enjtës dhe së Premtës. Të Premtën priten reshje të dendura bore, si në Kosovë poashtu edhe në Maqedoni.
Pra, siç kemi parajmëruar gati një javë më parë po vjen koha e reshjeve të dendura të borës në rajonin tonë. Reshjet do të zgjasin disa ditë dhe normalisht do të ketë ndërprerje të tyre herë pas here, por përgadituni mirë sepse goditja e vërtetë dimërore po vjen.
Informacione dhe detaje tjera në postimet tona të ardhshme./Meteoballkan
