Nesër në Kosovë na pret mot mjaft i ndryshueshëm, me intervale kohore me diell dhe vranësira të shpeshta të cilat do të kushtëzojnë rrebeshe lokale shiu me vetëtima dhe bubullimë. Pasdite priten zhvillime të fuqishme të vranësirave konvektive të cilat pritet të sjellin lokalisht rrebeshe intensive shiu me vetëtima dhe bubullimë dhe për këtë arsye mund të ketë vërshime të shpejta.
Në Shqipëri, Maqedoninë Veriore, Mal të Zi dhe Kosoven Lindore nesër pritet të mbajë mot mjaft i ndryshueshëm, me intervale kohore me diell dhe vranësira të dendura të cilat pritet të zhvillohen dhe të kushtëzojnë rrebeshe lokalisht të fuqishme shiu me vetëtima dhe bubullimë. Rrebeshet më të fuqishme dhe më intensive priten në lindje dhe juglindje të Shqipërisë, Maqedoninë Veriore dhe disa vise të Kosoves, prandaj ka gjasa për vërshime dhe po ashtu mund të ketë rrëshqitje të dheut.
Rrebeshe të fuqishme herë pas here priten edhe ditëve të ardhshme sidomos në zonat kontinentale të Shqipërisë, Maqedoninë Veriore dhe disa vise të Kosoves, prandaj do të ketë gjasa për vërshime të shpejta, rrëshqitje dheu dhe vetëtima e bubullima masive. Gjatë kësaj periudhe do të ketë edhe intervale të gjata kohore me diell, por gjithashtu edhe gjasa për zhvillime të shtrëngatave të fuqishme lokale.
Nga e premta do të ketë përmirësim gradual të motit, por rrebeshe e fuqishme ende mbeten në disa zona të Shqipërisë dhe Maqedonisë së Veriut. Në viset tjera priten më shumë intervale kohore me diell dhe rrebeshe në zona të izoluara./MeteoBallkan
