Nesër në Kosovë pritet të mbajë mot plotësisht i vranët dhe me riga të herëpashershme shiu. Fjolla bore priten vetëm në viset malore. Temperaturat pritet të shënojnë rënie për shkak të erërave të ftohta veriore dhe verilindore.
Në Shqipëri nesër pritet të mbajë mot plotësisht i vranët dhe me reshje shiu. Në jug të vendit priten edhe rrebeshe lokale me vetëtima dhe bubullimë, ndërsa në veri kryesisht thatë dhe vranët.
Riga shiu priten edhe në Maqedoninë Veriore dhe Luginë, ndërsa në malet e Malit të Zi priten fjolla bore.
Të mërkurën në mëngjes në Kosovë mjaft ftohtë dhe me ngrica. Gjatë ditës priten alternime mes vranësirave dhe intervaleve kohore me diell. Edhe në viset tjera priten alternime mes vranësirave dhe intervaleve kohore me diell. Nuk priten reshje atmosferike.
Të enjtën priten rritje të lehta të temperaturave, ndërsa nga e premta priten reshje të reja shiu. Në Shqipëri priten reshje intensive./MeteoBallkan
