Sonte, gjatë natës në shumicën e territoreve të rajonin tonë priten reshje atmosferike, posaqërisht në Maqedoni dhe Kosovë si dhe pjesët jugore, juglindore, lindore dhe veriore të Shqipërisë.
Pasiqë kemi ngritjen e temperaturave nga cikloni Mesdhetar sonte gjatë natës në Kosovë pritet mix i reshjeve, pra vende-vende reshje të dendura bore, kurse në disa rajone edhe reshje të dendura shiu, varësisht nga lartësia mbidetare dhe pozita gjeografike. Gjatë ditës së nesërme në mëngjes dhe paradite mund të ketë reshje bore, por ato to të ndërpritën gjatë ditës dhe natën e ardhshme fillojnë reshjet e dendura të borës në tërë territorin e Republikës së Kosovës. Të Premtën e tërë Kosova do të mbulohet me petkun e bardhë të reshjeve të dendura të borës.
Reshje shiu dhe bore priten edhe në Maqedoni dhe shumë pjesë të Shqipërisë. Në viset lindore,juglindore dhe veriore të Shqipërisë priten reshje të dendura bore, kurse në viset tjera reshje të herëpashershme shiu. Pra, të Premtën me borë të dendur dhe me ulje të temperaturave. Intensiteti i reshjeve do të fillojë të ulet natën mes së Pretës dhe së Shtunës. Të shtunën në tërë rajonin mjaft ftohtë, kurse në Kosovë me reshje të herëpashershme të lehta bore. E Premta dhe e Shtuna do të jenë ditë tipike dimërore në Kosovë./Meteoballkan
