Nesër në Kosovë pritet të kemi mot të ndryshueshëm, me intervale kohore me diell dhe zhvillim të vranësirave. Erërat jugore dhe jugperëndimore do të fuqizohen, ndërsa priten zhvillime lokale të vranësirave konvektive që do të kushtëzojnë rrebeshe lokale shiu me vetëtima dhe bubullimë. Ka gjasa për ndonjë shtrnëgatë të fuqishme, por krejt të lokalizuar që mund të prodhojë rrebeshe intensive, erëra të fuqishme kalimtare dhe breshër. Këto zhvillime do të jenë të karakterit krejtësisht lokal, prandaj disa rajone përfitojnë rrebeshe të fuqishme e shumë rajone tjera pa reshje. Në mbrëmje vonë reshje dhe rrebeshe shiu në gati tërë territorin e vendit
Rrebeshe lokalisht intensive nesër priten në Maqedoninë Veriore ku ka gjasa për stuhi lokale me breshër.
Edhe në Shqipëri nesër pritet të mbajë mot me intervale kohore me diell dhe vranësira e rrebeshe lokale shiu. Në jug dhe perëndim të vendit kryesisht pa reshje deri në mbrëmje. Në mbrëmje intensifikim i rrebesheve të shiut në shumë vise të Shqipërisë.
Mot i paqëndrueshëm nesër pritet të mbajë edhe në Kosovën lindore dhe Mal të Zi ku priten zhvillime të fuqishme të vranësirave të shiut që do të kushtëzojnë reshje shiu, lokalisht rrebeshe intensive me vetëtima dhe bubullimë.
E Marta dhe e mërkura sjellin vranësira të reja dhe reshje të reja shiu. Herë pas here, vende-vende priten reshje më intensive dhe rrebeshe lokale me vetëtima dhe bubullimë. Temperaturat shënojnë ulje graduale, më të theksuara ditën e mërkurë./MeteoBallkan
