Nesër në Kosovë pritet të mbajë mot kryesisht me diell dhe i ngrohtë. Mund të ketë edhe vranësira kalimtare, ndërsa temperaturat pritet të shënojnë rritje dhe ato maksimalet pritet të luhaten nga 25 deri në 27 gradë Celsius.
Në Shqipëri, Maqedoninë Veriore, Mal të Zi dhe Luginë nesër pritet të mbajë mot kryesisht me diell dhe vranësira lokale. Në tërë rajonin priten rritje të temperaturave.
Të dielen na pret ditë e vërtetë verore. Pas një mëngjesi të freskët, vende-vende edhe të ftohtë gjatë paradites priten rritje të shpejta të temperaturave. Në tërë rajonin pritet ditë e këndshme verore.
Edhe të hënën na pret mot mjaft i ngrohtë, me intervale kohore me diell dhe shtim gradual të disa vranësirave. Pasdite në Kosovë pritet rrebeshe të izoluara shiu me vetëtima dhe bubullimë.
Nga e marta më freskët, me vranësira, intervale kohore me diell dhe rrebeshe lokale shiu me vetëtima dhe bubullimë./Meteoballkan
