Gjatë natës sonte në disa zona të Kosovës nganjëherë priten intervale të reja reshjesh bore të cilat do të vazhdojnë në shumë rajone edhe gjatë ditës së Mërkurë. Në viset malore priten intervale reshjesh të dendura bore, por edhe në disa zona tjera, megjithatë reshjet do të jenë të karakterit lokal. Gjatë ditës në disa ultësira ka mundësi që të ketë edhe reshje të përziera me shi, kurse në mëngjes dhe mbrëmje mund të ketë shi të ngrirë.
Pra, të Mërkurën në Kosovë pritet të mbajë mot i vranët e me reshje të herëpashershme, lokale bore. Në mesditë lokalisht mund të ketë edhe shqote dhe shi .Vende-vende priten rritje të shtresave të borës e sidomos në viset kodrinore-malore, por edhe në disa zona të ulëta. Temperaturat nga -1 deri në 4 gradë Celsius.
Në Shqipëri nesër pritet të mbajë mot me intervale kohore me diell në perëndim dhe vranësira e reshje lokale bore në lindje. Reshje lokale bore priten edhe në Maqedoninë Veriore, Luginë të Preshevës dhe veri të Malit të Zi. Në zonat e ulëta të Maqedonisë priten riga shiu e shqotë. Në viset malore reshje të dendura bore sidomos në veriperëndim të Maqedonisë së Veriut dhe lokalcionet përreth
Reshje lokale bore do të ketë edhe të Enjten, por më të rralla, ndërsa të Premten parashihet të kemi një valë të re reshjesh kryesisht bore, por jo aq të mëdha. Temperaturat në rënie e sipër./MeteoBallkan
