Reshjet e bores në Kosovë do zë vazhdojnë edhe gjatë natës së sontme, më intensive në lindje-juglindje dhe më të pakta në drejtim të veriperëndimit dhe perëndimit.
Nesër reshjet pritet të pushojnë por do të mbetet mot i vranët, me mundësi për reshje sporadike. Temperaturat do të fillojnë të ngriten gradualisht.
Edhe në Shqipëri, Maqedoninë Veriore dhe Mal të Zi nesër do të ketë ngritje të lehta të temperaturave por do të vazhdojë të ketë vranësira dhe vende-vende edhe reshje shiu dhe bore në viset kodrinore-malore.
Ditëve të ardhshme do të vazhdojnë të dominojnë vranësirat e dendura. Herë pas here priten edhe reshje atmosferike, shi nëpër ultësira dhe borë në viset kodrinore-malore. Temperaturat do të shënojnë ngritje graduale.
Në fundjavë do të kemi stabilizim të motit dhe ngritje të ndjeshme të temperaturave. Priten edhe intervale kohore të gjata me diell./Meteoballkan