Nesër në Kosovë do të mbajë mot kryesisht me diell dhe i nxehtë, ku pasdite mund të ketë edhe vranësira kalimtare. Temperaturat do të shënojnë ngritje të mëtutjeshme. Do të fillojë të fryjë erë e lehtë deri mesatare nga ana jugore dhe jugperëndimore.
Në Shqipëri nesër mot kryesisht i kthjellët dhe me disa vranësira kalimtare sidomos në qendër dhe në pjesën më të madhe të bregdetit kurse në pjesën veriperëndimore dhe jugore të vendit ka mundësi që të ketë riga lokale shiu.
Në Maqedoni nesër mot me diell dhe vranësira të pakta. temperaturat do të shënojnë ngritje.
Edhe ditëve në vazhdim do të vazhdojë të mbajë mot i ngjashëm në rajonin tonë, pra i nxehtë për këtë periudhë kohore ku herë pas here do të kemi fuqizim të erërave jugperëndimore. Të Hënën në disa pjesë të Shqipërisë por edhe në veriperëndim të Kosovës ka mundësi të ketë riga lokale shiu. Të Martën në tërë rajonin vranët, në Shqipëri me reshje lokale shiu kurse në rajonet tjera me reshje të dobëta ose pa reshje fare./Meteoballkan.
