Në këto momente rrebeshe të fuqishme shiu kanë përfshirë disa rajone të Dukagjinit. Këto rrebeshe kanë ardhur nga Shqipëria dhe do të vazhdojnë edhe gjatë orëve të ardhshme dhe kanë karakter lokal, pra jo gjithëpërfshirës.
Nesër në Kosovë do të mbajë mot jo stabil, me intervale kohore me diell dhe gjatë ditës do të ketë zhvillim vranësirash të cilat do të kushtëzojnë rrebeshe lokale shiu me vetëtima dhe bubullimë. Edhe reshjet e nesërme do të jenë të karakterit lokal.
Edhe në Shqipëri pritet mot mjaft jo stabil dhe me rrebeshe të herëpashershme dhe lokale shiu me vetëtima dhe bubullimë. Rrebeshet më të fuqishme do të jenë në veri dhe veriperëndim të vendit por edhe në qendër.
Edhe në Maqedoninë e Veriut dhe Mal të Zi nesër do të mbajë mot mjaft jostabil dhe me rrebeshe të herëpashershme shiu me vetëtima dhe bubullimë.
Të mërkurën reshjet apo rrebeshet do të jenë më të rralla dhe do të përqëndrohen posaqërisht në veri, veriperëndim dhe disa pjesë të qendrës së Shqipërisë. Në rajonet tjera do të kemi shumë më shumë diell dhe vetëm në ndonjë lokacion mund të ketë ndonjë rrebesh të izoluar shiu.
Mot jo stabil dhe me rrebeshe të herëpashershme (kryesisht pasditeve dhe mbrëmjeve) lokale shiu me vetëtima dhe bubullimë do të vazhdojë edhe nga dita e enjte e tutje në shumciën e territorit të vendeve tona./Meteoballkan
