Nesër në Kosovë pritet të kemi mot stabil, me diell dhe mjaft i nxehtë veror. Temperaturat do të vazhdojnë të jenë shumë të larta përkundër freskimit të fuqishëm sot në rajonet me rrebeshe shiu. Rrallë në disa vise mund të ketë edhe nesër ndonjë rrebesh të izoluar shiu me ndonjë vetëtimë dhe bubullimë.
Temperaturat parashihet të lëvizin nga 16 minimalja deri në 34 apo 35 gradë Celsius ajo maksimale.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot kryesisht me diell dhe mjaft i nxehtë e në disa zona me zhvillime të izoluara konvektive.
Zhvillime të izoluara priten kryesisht në Mal të Zi, veriperëndim të Kosovës dhe jug e lindje të Maqedonisë së Veriut ku orëve të pasdites parashihen rrebeshe lokale shiu. Në viset tjera zhvillimet do të jenë më të pakta ose inekzistente.
Ditëve të ardhshme na pret mot kryesisht me diell dhe i nxehtë, me ndonjë zhvillim të izoluar dhe jo domëthënës, megjithatë të martën pasdite mund të kemi rrebeshe lokale shiu me vetëtima dhe bubullimë./MeteoBallkan
