Nesër në Kosovë pritet prapë ndryshim i motit për shkak të depërtimit të frontit polar. Gjatë ditës do të fillojnë të fryjnë erëra të ftohta nga veriu dhe veriperëndimi të cilat do të shkaktojnë ulje të ndjeshme të temperaturave, shtim lokal të vranësirave dhe rrebeshe të izoluara bore.
Temperatura maksimale mund të arrijë deri në 7 gradë Celsius, por pastaj pasdite do të pësojnë ulje të ndjeshme në të gjitha viset.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me diell dhe vranësira lokale. Pasdite ndryshim i motit në të gjitha viset kur pritet të fillojnë të fryjnë erëra të ftohta nga veriu. Në juglindje të Shqipërisë dhe perëndim të Maqedonisë së Veriut do të ketë reshje lokale bore me depërtimin e frontit të ftohtë polar. Rrebeshe afatshkurtra bore mund të ketë edhe në jug të Kosovës, verilindje të Shqipërisë dhe veriperëndim të Maqedonisë së Veriut.
E mërkura në Kosovë do të jetë ditë e akullt sepse temperatura nuk do të kalojë mbi 0 gradë Celsius edhe në mes të ditës. Do të vazhdojnë erërat e ftohta nga veriu por mbetet mot i thatë dhe me intervale kohore me diell. Mund të ketë ndonjë fjollë ose rrebesh afatshkurtër bore.
Temperaturat në natën e Vitit të Ri në shumë pjesë të Kosovës do të ulen deri në -10 gradë Celsius.
Edhe në Shqipëri, Maqedoninë Veriore, Luginë dhe Mal të Zi e mërkura do të jetë mjaft e ftohtë dhe në shumë rajone pritet ditë e akullt. Megjithatë, dielli nuk do të mungojë fare. Temperaturat në “minus” në gati të gjitha viset në natën e ndërrimit të motmoteve. ndërsa në malet e Malit të Zi gjegjësisht në Plavë temperatura mund të zbres deri në -20 gradë Celsius.
Fronti polar edhe pse i fuqishëm dhe me ulje të fuqishme të temperaturave do të jetë kryesisht i thatë.
Nga 1 Janari zbutje graduale e acarit, kurse të Premten mund të kemi reshje shiu dhe reshje të përziera./MeteoBallkan
