Nesër në Kosovë na pret mot i ngrohtë, me intervale të gjata kohore me diell dhe vranësira të herëpashershme. Erërat jugperëndimore do të fuqizohen që është shenjë e afrimit të fronteve të shiut nga Kontinenti. Temperatura maksimale pritet të arrijë deri në 20 apo edhe 21 gradë Celsius.
Në Shqipëri, Maqedoninë Veriore, Mal të Zi dhe Kosovën lindore nesër pritet të mbajë mot me intervale kohore me diell dhe vranësira lokale. Më shumë vranësira parashihen në Mal të Zi dhe thellë në veiun e Shqipërisë e në viset tjera shumë më shumë rreze të ngrohta diellore.
Të shtunën dhe të dielën na pret mot i ndryshueshëm, me vranësira, intervale kohore me diell dhe reshje lokale shiu. Nganjëherë lokalisht priten rrebeshe lokale me ndonjë vetëtimë dhe bubullimë. Do të jetë ende ngrohtë, por temperaturat ulen sidomos në kohën e shiur ose rrebesheve.
Të hënën vranësira të dendura përfshijnë Kosovën, Shqipërinë dhe Maqedoninë Veriore me reshje të dendura shiu sidomos pasdite dhe në mbrëmje. Më shumë reshje parashihen në viset kontinentale. Në mbrëmje ulje e temperaturave dhe vende-vende mund të ketë reshje bore.
Nga e Marta ftohtë, me reshje lokale shiu e bore./METEOBALLKAN
