Nesër në Kosovë na pret mot shumë më i këndshëm në aspektin e temperaturave. Priten intervale kohore me diell dhe vranësira të shpeshta të cilat mund të kushtëzojnë riga lokale, afatshkurtra shiu. Do të fryjnë erëra të freskëta nga veriu dhe verilindja.
Në Shqipëri dhe rajon nesër pritet të mbajë mot me intervale të gjata kohore me diell dhe vranësira lokale. Në disa vise priten riga ose ndonjë rrebesh lokal shiu. Temperaturat shënojnë ulje kryesisht të lehta në tërë rajonin.
Nga e hëna stabilizim i motit. Na pret mot kryesisht me diell dhe jo shumë i nxehtë në viset tona kontinentale, ndërsa në viset mesdhetare-bregdetare më nxehtë. Temperaturat do të fillojnë të shënojnë rritje graduale, kurse nga mesi i javës e tutje pritet që gradualisht të fillojë vala e re e nxehtësisë./MeteoBallkan
