Në Kosovë nesër mëngjesi do të jetë stabil dhe i ngrohtë, me intervale kohore me diell dhe vranësira lokale ku mund të ketë edhe ndonjë rigë ose rrebesh afatshkurtër vetëm në ndonjë rajon. Gjatë ditës do të ketë shtim të madh të vranësirave që do të kushtëzojnë reshje shiu dhe rrebeshe lokale me vetëtima dhe bubullimë.
Rrebeshe intensive lokale kalimtare parashihen në rajonin e Dukagjinit. Pas ndërprerjes së reshjeve në mbrëmje vjen një valë e re reshjesh shiu në gati tërë Kosovën që mund të vazhdojnë afërsisht deri në mëngjesit e së enjtes.
Në Shqipëri nesër pritet të mbajë mot kryesisht me diell dhe mjaft i nxehtë, përpos veriut të vendit ku arrin fronti i ftohtë dhe do të ketë ulje të temperaturave dhe rrebeshe lokale shiu me vetëtima dhe bubullimë.
Rrebeshe lokale nesër nga mesdita ose pasdite përfshijnë edhe disa vise në Maqedoninë Veriore, ndërsa në Mal të Zi dhe Luginë rrebeshet vijnë më herët. Së bashku me rrebeshet e shiut vjen ulja e temperaturave.
Të Enjten në Kosovë pason stabilizimi gradual i motit me temperatura të këndshme ku priten intervale kohore me diell dhe vranësira të cilat do të vijnë duke u larguar.
Fronti do të përshkojë të enjten Shqipërinë dhe Maqedoninë Veriore por dukshëm më i dobët, ndërsa rrebeshe kalimtare priten në disa zona të Shqipërisë, më intensive në lindje dhe juglindje të vendit.
Të premten në tërë rajonin na pret mot i ngrohtë, stabil dhe kryesisht me diell. ndërsa gjate fundjaves përpos intervale kohore me diell moti do të ketë tendenca të sërishme të destabilizimit gradual./METEOBALLKAN
