Edhe nesër në Kosovë do të mbajë mot kryesisht me diell dhe mjaft i nxehtë, do të kemi ditë mjaft stabile dhe temperaturat nuk do të shënojnë ndonjë ndryshim të madh.
Në Shqipëri nesër mot mjaft i mirë me diell dhe i nxehtë me zhvillim vranësirash lokale.
Në Maqedoni poashtu nesër do të mbajë mot stabil, i nxehtë dhe me diell.
Të Hënën përkeqësim dramatik i motit!
Të Hënën nga Evropa Veriore do të kemi depërtimin e frontit të fuqishëm të ftohtë ajror i cili do të shoqërohet me erëra të fuqishme veriore dhe pastaj si pasojë e depërtimit të ajrit të ftohtë pasdite dhe në mbrëmje do të kemi ulje të theksuara të temperaturave. Fronti nuk do të jetë shumë i pasur me lagështirë megjithatë priten reshje apo rrebeshe lokale shiu në Kosovë. Ajo çka duhet të kemi kujdes janë erërat e fuqishme të cilat gjatë kalimit të frontit do të arrijnë shpejtësinë nga 60 deri 70 e ndoshta në ndonjë lokacion edhe deri në 80 km/h. Erërat më të fuqishme priten në rajonet lindore dhe qendrore të Kosovës. Pas kalimit të frontit erërat do të fillojnë të qetësohen por do të vazhdojnë me një intensitet mesatar duke e ftohur edhe më tutje motin.
Në Shqipëri po ashtu të hënën pritet përkeqësim i motit ku vende vende pasdite vonë do të ketë edhe rrebeshe lokale shiu me vetëtima dhe bubullimë.
Në Maqedoni fronti i ftohtë do të arrijë natën, kështu që gjatë ditës së hënë pritet mot i nxehtë ndërsa të martën priten ulje të theksuara të temperaturave dhe kjo do të jetë hyrje në një vjeshtë të vërtetë.
Të Martën në tërë rajonin tonë pritet të mbajë mot me vranësira dhe intervale kohore me diell por do të jetë vjeshtë e vërtetë dhe shumë më ftohtë.
Mot i ngjashëm do të kemi edhe të mërkurën pra i freskët me intervale kohore me diell dhe me ndonjë vranësire kalimtare.
Meteoballkan.
