Tetori në rajonin tonë do të fillojë pa ndonjë ndryshim të motit. Sot në Kosovë do të mbajë mot kryesisht me diell dhe vranësira kalimtare kurse temperaturat do të shënojnë ngritje të lehtë, pra do të jetë më nxehtë.
Edhe në Shqipëri dhe Maqedoni do të mbajë mot me diell dhe vranësira kalimtare. Do të jetë më nxehtë sepse do të kemi depërtimin e ajrit më të nxehtë nga perëndimi dhe jugperëndimi.
Në anën tjetër në Gjirin e Gjenovës në Itali sot do të krijohet një ciklon i cili Sllovenisë dhe Kroacisë do ti sjell reshje të dendura shiu dhe stuhi me vetëtima dhe bubullimë.
Të Martën ky ciklon do të përparojë në drejtim të jugut të Italisë dhe jugut të Detit Adriatik. Të Martën reshjet e shiut do të zgjerohen edhe në Bosnjë dhe Hercegovinë, Mal të Zi dhe Shqipëri.
Pra ditën e dytë të javës në shumë pjesë të Shqipërisë mund të ketë reshje shiu kurse në Kosovë dhe Maqedoni do të jetë kryesisht thatë me përjashtim të veriperëndimit të Kosovës ku mund të ketë ndonjë rigë shiu.
Informacione tjera për ecurinë e këtij cikloni në postimet tona të ardhshme.
Meteoballkan
