Sot në Kosovë pritet të mbajë mot i nxehtë, me intervale të gjata kohore me diell dhe vranësira lokale. Gjatë ditës ose pasdite priten zhvillime të vranësirave të shiut të cilat pritet të kushtëzojnë rrebeshe të izoluara shiu me vetëtima dhe bubullimë. Rrebeshet pritet të jenë të përqëndruara kryesisht në viset kodrinore-malore, duke mos përjashtuar tërësisht mundësinë që të ndodhin edhe në ndonjë rajon tjetër. Temperatura maksimale pritet të arrijë deri në 29 – 30 gradë Celsius.
Në Shqipëri dhe rajon pritet të mbajë mot kryesisht me diell dhe i nxehtë. Pasdite priten zhvillime lokale, ndërsa rrebeshe të izoluara priten në veri të Shqipërisë, veri të Malit të Zi, shumë vise të Maqedonisë së Veriut dhe Kosoves Lindore.
Të mërkurën pritet të kemi fuqizim të konsiderueshëm të masave ajrore jostabile. Gjatë ditës pritet të kemi destabilizim të fuqishëm të atmosferes. Priten zhvillime të vranësirave konvektive në gati tërë rajonin duke përfshirë edhe viset bregdetare.
Me zhvillime të fuqishme konvektive nënkuptojmë rrebeshe të shpeshta shiu me vetëtima dhe bubullimë. Vende-vende mund të ketë shtrëngata të fuqishme dhe shira të rrëmbyeshëm.
Edhe të enjtën dhe të premtën na pret mot mjaft i ndryshueshëm, me intervale kohore me diell dhe zhvillime të fuqishme të vranësirave të shiut të cilat pritet të kushtëzojnë rrebeshe shiu me vetëtima dhe bubullimë./MeteoBallkan