Sot në Kosovë pritet të kemi mot mjaft jo-stabil, me intervale kohore me diell dhe zhvillime të fuqishme të vranësirave të shiut të cilat pritet të kushtëzojnë rrebeshe lokalisht të fuqishme shiu me vetëtima, bubullimë dhe mundësi për breshër.
Në Shqipëri dhe rajon pritet të mbajë mot me intervale kohore me diell dhe vranësira lokale. Vende-vende priten rrebeshe shiu me vetëtima dhe bubullimë.
Të martën stabilizim gradual i motit në Kosovë. Pritet mot me intervale të gjata kohore me diell dhe vranësira lokale. Ende mund të ketë ndonjë rige ose rrebesh afatshkurtër shiu në ndonjë rajon.
Në Shqipëri dhe rajon të martën pritet mot me intervale të gjata kohore me diell dhe vranësira lokale. Në jug dhe juglindje të Shqipërisë priten rrebeshe lokale shiu me vetëtima dhe bubullimë. Ndonjë rrebesh me bubullima mund të ketë edhe në Maqedoninë Veriore.
Nga e mërkura na pret mot më stabil dhe me rreze më të shumta diellore. Temperaturat shënojnë rritje graduale, ndërsa rrebeshet e pasdites mbesin prezente në jug dhe juglindje të Shqipërisë./MeteoBallkan
