Sot në Kosovë pritet të kemi mot mjaft të ftohtë, me erëra të akullta nga veriu, ndërsa priten edhe intervale kohore me diell. Ende priten reshje sporadike bore kryesisht në zonat kodrinore-malore, ndërsa temperaturat pritet të lëvizin nga -10 ajo minimale deri në -2 maksimalja.
Në Shqipëri, Maqedoninë Veriore, Mal të Zi dhe Kosovën lindore pritet të mbajë mot me intervale kohore me diell dhe vranësira lokale. Në disa rajone priten reshje sporadike bore. Acar i madh në viset kontinentale, ndërsa edhe në viset mesdhetare pritet të ketë acar gjatë natës dhe mëngjesit të hershëm.
Ditëve të ardhshme na pret mot i ngjashëm, mjaft i ftohtë, me intervale kohore me diell, erëra mjaft të ftohta dhe vranësira lokale. Erërat do të fillojnë të dobësohen gradualisht, ndërsa nga e enjta do të ketë rritje të lehta të temperaturave maksimale, përderisa acari i mëngjesit do të vazhdojë, por po ashtu duke u dobësuar gradualisht./MeteoBallkan
