Sot në Kosovë paradite ende do të jetë ngrohtë dhe me erëra jugperëndimore të cilat në jug të vendit mund të jenë të fuqishme. Priten edhe intervale kohore me diell. Nga mesdita ose pasdite do të ketë shtim të vranësirave të shiut të cilat i sjellë fronti i ftohtë nga veriu. Përderisa në perëndim të vendit ende do të fryjnë erëra të ngrohta nga jugu e jugperëndimi, në veri dhe lindje të vendit do të fillojnë erëra të ftohta nga veriu e verilindja.
Orëve të pasdites ose mbrëmjes fronti do të përshkojë tërë territorin e Kosovës dhe do të vendosen rrymime ajrore nga veriu në tërë territorin. Fronti do të sjellë reshje shiu e bore në viset kodrinore-malore. Në mbrëmje fjolla bore priten në disa zona të ulëta të Republikës së Kosovës si në Podujevë, Prishtinë ose rrethinë, Fushë Kosovë etj. Temperaturat paradite do të jetë të larta e pasdite ose në mbrëmje do të pësojnë ulje të ndjeshme.
Në Shqipëri, Maqedoninë Veriore, Mal të Zi dhe Luginë pritet të mbajë mot me intervale kohore me diell dhe vranësira lokale. Temperaturat do të shënojnë në orët e mbrëmjes dhe gjatë natës së ardhshme ku priten reshje lokale shiu e bore në zonat malore, por reshjet do të jenë të intensitetit kryesisht të dobët.
Të dielën në mëngjes priten ngrica të dobëta në Kosovë ngase pas kalimit të frontit do të pasojë kthjellimi i motit.
Gjatë ditës në tërë rajonin pritet të ketë mot kryesisht me diell dhe stabil, por edhe me vranësira të pakta lokale. Temperaturat shënojnë ulje më të theksuara në zonat kontinentale, por të cilat do të rikuperohen shumë shpejtë.
Mëngjesi i së hënës po ashtu do të jetë i ftohtë sidomos në Kosovë ku do të ketë ngrica, ndërsa dita e hënë në tërë rajonin do të jetë kryesisht me diell dhe me rritje të temperaturave. Erërat do të fryjnë të lehta drejtimesh të ndryshme për të rifilluar përsëri të fryjnë nga jugperëndimi.
Të martën më ngrohtë me erëra nga jugperëndimi dhe vranësira lokale./METEOBALLKAN
