Sot në Kosovë parashihet të kemi mot mjaft të ndryshueshëm. Paradite ende ngrohtë, me intervale kohore me diell dhe vranësira e rrebeshe lokale shiu me vetëtima dhe bubullimë. Pasdite vonë dhe në mbrëmje intensifikim i zhvillimeve atmosferike. Priten vranësira të dendura dhe rrebeshe lokale shiu me vetëtima dhe bubullimë. Vende-vende parashihen rrebeshe mjaft intensive. Temperaturat do të shënojnë ulje sidomos pasdite dhe në mbrëmje.
Në Shqipëri gjatë orëve të hershme të mëngjesit të së dielës priten zhvillime intensive atmosferike në shumë zona bregdetare. Gjatë ditës atmosfera në bregdet do të qetësohet paksa, ndërsa rrebeshet lokale do të zhvendosen në pjesët tjera të Shqipërisë.
Rrebeshe dhe stuhi të fuqishme sonte vonë parashihen në territorin e Luginës së Preshevës dhe verilindje të Maqedonisë së Veriut, ndërsa rrebeshe lokale apo të izoluara priten në viset tjera në Maqedoninë e Veriut. Gjatë natës tjetër intensifikim i rrebeshe të shiut në Kosovë, Maqedoninë Veriore dhe Shqipërinë Kontinentale.
Të hënën ende reshje dhe rrebeshe lokale shiu, kryesisht në Dukagjin, lindje të Shqipërisë dhe perëndim të Maqedonisë së Veriut. Temperaturat do të shënojnë ulje të ndjeshme.
Nga e marta stabilizim gradual i motit dhe rritje graduale e temperaturave, ndërsa rrebeshe lokale shiu parashihen nganjëherë në jug dhe lindje të Shqipërisë./METEOBALLKAN
