Sot në Kosovë pritet të kemi mot shumë të ftohtë në mëngjes, ndërsa dita me intervale kohore me diell dhe vranësira lokale. Vonë në mbrëmje shtim i vranësirave dhe afër mesnatës pritet të fillojnë reshje bore, shqote si dhe shi i ngrirë në disa rajone. Temperaturat nga -12 deri në 5 gradë Celsius.
Në Shqipëri, Maqedoninë Veriore, Luginën të Preshevës dhe Mal të Zi pritet të mbajë mot me intervale kohore me diell dhe vranësira lokale. Acar i madh në orët e mëngjesit. Gjatë ditës zbutje e acarit dhe rritje e temperaturave. Erërat jugore do të fillojnë të fryjnë në tërë rajonin dhe territoret tona. Në mbrëmje vonë vranësirat përfshijnë Shqipërinë dhe kushtëzojnë reshje shiu në perëndim e bore në lindje.
Pas një mëngjesi shumë të ftohtë dhe me acar, dita vijon me diell edhe në Maqedoninë Veriore, Luginë të Preshevës dhe Mal të Zi. Mbrëmja sjellë vranësira e më vonë reshje kalimtare bore dhe shqote.
E marta sjellë vranësira të dendura dhe reshje shiu. Borë vetëm në viset malore. Vende-vende priten reshje të dendura shiu e rrebeshe intensive me vetëtima dhe bubullimë (Shqipëri). Edhe në Kosovë lokalisht priten reshje intensive e rrebeshe me ndonjë bubullimë parashihet të ketë në Dukagjin. Të mërkurën ulje e temperaturave dhe reshje lokale shiu e bore./MeteoBallkan
