Sot në Kosovë pritet të mbajë mot mjaft i ngrohtë, por edhe me shtim të konsiderueshëm të vranësirave. Pasdite ose në mbrëmje priten riga lokale shiu më të theksuara në rajonin e Dukagjinit. Mund të ketë edhe ndonjë rrebesh afatshkurtër shiu me vetëtima dhe bubullimë.
Në Shqipëri pritet të mbajë mot me vranësira dhe intervale kohore me diell. Fillimisht në jug priten riga afatshkurtra shiu. Pastaj edhe në qendër dhe veri të vendit. Reshje pak më intensive priten veriperëdnim, veri, lindje dhe verilindje të vendit.
Edhe në Maqedoninë Veriore dhe Mal të Zi pritet të mbajë mot i ngrohtë, por me shtim të vranësirave të cilat pasdite ose në mbrëmje pritet të kushtëzojnë riga lokale shiu, më intensive në Mal të Zi.
Të dielën do të vazhdojë të mbajë mot i ngrohtë për shkak të rrymimeve të fuqishme ajrore nga jugu, gjegjësisht nga Afrika Veriore, por priten edhe vranësira të herëpashershme të cilat rrallë në disa rajone mund të kushtëzojnë ndonjë rigë ose rrebesh afatshkrutër shiu me vetëtima dhe bubullimë.
Nga e hëna ulje të lehta të temperaturave. Priten alternime mes vranësirave dhe intervaleve kohore me diell. Reshje të mëdha amtosferike nuk priten, përpos ndonjë rige ose rrebeshi afatshkurtër lokal ose të izoluar në ndonjë hapërsirë të ngushtë gjeografike./Meteoballkan
