Java e fundit e Korrikut do të karakterizohet me mot të ndryshueshëm, por mjaft të nxehtë ashtu siç i ka hije verës, moti do ta arsyetojë epitetin e vapes së fortë verore në mes të verës, megjithatë kushtet e motit nuk do të jenë krejtësisht stabile, sidomos për viset kontinentale ku priten destabilizime të pasditeve me rrebeshe të lokalizuara shiu me vetëtima, bubullimë dhe mundësi për breshër.
Dy ditët e para të javes në tërë rajonin do të jenë krejtësisht stabile, të nxehta dhe me diell. Në Shqipëri pothuajse gjatë tërë javës pritet mot me diell dhe shumë i nxehtë, me temperatura maksimale deri në 38 gradë Celsius në zonat e nxehta, ndërsa ndonjë ditë ato mund të arrijnë deri në 40 gradë Celsius.
Në Kosovë ditë shumë e nxehtë do të jetë e marta, ndërsa e mërkura pasdite sjellë freskim dhe rrebeshe lokale shiu me vetëtima dhe bubullimë. Përkundër mundësisë për rrebeshe shiu dhe freskim afatshkurtër, masat e nxehta ajrore mbesin gjithmonë prezente. Edhe të entjën pasdite në Kosovë priten mundësi për rrebeshe lokale shiu me vetëtima dhe bubullimë. E enjta sjellë shanse për rrebeshe shiu edhe në Shqipëri e veçanërisht në Maqedoninë Veriore
Të premtën dhe të shtunën pritet që përsëri të kemi mot stabil, me diell dhe shumë të nxehtë, ndërsa e dita e fundit e javes na sjellë përsëri shanse për rrebeshe lokale shiu me vetëtima dhe bubullimë si dhe ulje kryesisht të lehta të temperaturave.
Pra, edhe një javë shumë e nxehtë verore, me mundësi për rrebeshe dhe shtrëngata lokale pasditeve të mërkurën, të enjten dhe të dielën, ndërsa ditët tjera sjellin orë të shumta me diell dhe nxehtësi verore.
Ishte ky parashikimi javor i motit bazuar në ecuritë më të fundit sinoptike. Nëse ka ndonjë ndryshim eventual do të njoftoheni në postimet tona të përditshme./MeteoBallkan