Sot në Kosovë pritet të mbajë mot mjaft jo-stabil. Priten intervale kohore me diell dhe zhvillime të shpeshta të vranësirave konvektive të cilat pritet të kushtëzojnë rrebeshe lokale shiu me vetëtima dhe bubullimë. Vende-vende mund të ketë rrebeshe intensive dhe mundësi për breshër dhe vërshime të shpejta.
Masa jo-stabile ajrore me rrebeshe shiu sonte gjatë natës dhe ditës pritet të shpërndahet edhe në Shqipëri ku pritet destabilizim i motit. Përpos intervaleve kohore me diell sot në Shqipëri priten edhe rrebeshe lokale shiu me vetëtima dhe bubullimë. Rrebeshe priten edhe në bregdet.
Rrebeshe lokale shiu me vetëtima dhe bubullimë priten edhe në Kosoven lindore dhe shumë pjesë të Maqedonisë së Veriut.
Edhe fillimi i javës së re do të na përcjellë me mot mjaft të paqënrueshëm. Priten rrebeshe të shpeshta shiu me vetëtima dhe bubullimë. Vende-vende dhe herë pas here priten shtrëngata të izoluara kalimtare me rrebeshe intensive dhe breshër. Të gjitha këto shfaqje natyrore janë plotësisht normale për këtë periudhë kohore kur kemi kontaktin mes ajrit te freskët ciklonik mjaft jo-stabil dhe nxehtësisë verore, por kujdesi kurr nuk është i tepërt.
Stabilizim i mundshëm i motit pritet nga e mërkura, por nuk priten rritje të mëdha të temperaturave./Meteoballkan
