Sot në Kosovë do të mbajë mot me vranësira dhe intervale kohore me diell vende-vende ka mundësi për reshje të dobëta shiu eventualisht bore varësisht nga temperaturat.
Edhe në Shqipëri, Maqedoni dhe Mal të Zi do të mbajë mot i ndryshueshëm dhe me reshje kryesisht të dobëta shiu dhe bore. Shi do të ketë nëpër ultësira, kurse borë nëpër viset malore. Nuk priten reshje të mëdha.
Të Martën në tërë rajonin tonë pritet që të kemi reshje atmosferike. Në Shqipërinë jugore dhe veriperëndimore priten reshje të dendura shiu si dhe rrebeshe të fuqishme shiu me vetëtima dhe bubullimë. Reshje bore dhe shiu priten edhe në Kosovë dhe Maqedoninë perëndimore. Reshjet do të jenë të përziera varësisht nga temperaturat kurse në viset kudrinore-malore priten reshje bore. Në Kosovë nuk priten reshje të dendura me përjashtim të perëndimit, jugperëndimit dhe veriperëndimit të vendit ku herë pas here priten reshje të dendura atmosferike.
Mot i ndryshuesheëm do të mbajë edhe të mërkurën, por reshjet atmosferike do të jenë shumë më të pakta, kurse nga e Enjta në tërë rajonin priten përsëri reshje atmosferike dhe kësaj radhe ka shumë të ngjarë që reshjet të na vijnë në formë dëbore. Në bregdetin shqiptar dhe Ultësirën Perëndimore priten vetëm reshje shiu.
Ende nuk kemi pasqyrë të qartë se çfarë saktësisht do të na sjellë Cikloni i fuqishëm Mesdhetar nga e Enjta e tutje, por nesër dhe pasnesër, po hymë në fazën finale të analizave të modeleve, të cilat do të na tregojnë saktë se çfarë do të na sjellë ky Ciklon dhe ne do tju informojmë sapo ti kemi informacionet më të sakta nga analizat e modeleve globale kompjuterike për parashikim të motit./Meteoballkan
