Sot në Kosovë pritet të mbajë mot me intervale kohore me diell dhe vranësira të cilat pasdite pritet të kushtëzojnë reshje lokale bore. Në intervale të shkurtra kohore priten reshje të dendura bore. Temperaturat pritet të luhaten nga – 10 ato minimalet deri në 0 gradë Celsius ajo maksimale.
Në Shqipëri pritet të mbajë mot me intervale kohore me diell dhe zhvillime lokale të vranësirave. Pasdite ose në mbrëmje reshje lokale bore priten në verilindje të vendit si dhe mund të ketë edhe në jugperëndim të vendit reshje shiu, shqote dhe bore. Reshje lokale bore pasdite priten edhe në veri të Malit të Zi, Luginën e Preshevës dhe Maqedoninë e Veriut. Temperaturat shënojnë ulje graduale në tërë rajonin.
Ditëve të ardhshme na pret mot mjaft i ftohtë dhe i ndryshueshëm. Priten intervale kohore me diell, por herë pas here edhe zhvillime të vranësirave të cilat pritet të kushtëzojnë rrebeshe lokale borem kryesisht në disa vise të Kosovë, veriut të Malit të Zi, Luginës së Preshevës dhe Maqedonisë së Veriut. Rrallëkund edhe në Shqipëri mund të ketë reshje afatshkurtra bore. Temperaturat shënojnë ulje të mëtutjeshme dhe pritet acar i fortë polar sidomos natën dhe orëve të hershme të mëngjesit.
Detaje dhe informacione tjera nesër gjatë ditës./MeteoBallkan