Sot në Kosovë pritet të kemi mot shumë të nxehtë dhe me zagushi, por po ashtu priten edhe zhvillime lokale të vranësirave të shiut të cilat pritet të kushtëzojnë rrebeshe lokale (kryesisht afatshkurtra) shiu me vetëtima, bubullimë dhe breshër. Disa zona mund të goditen nga rrebeshe të fuqishme me breshër, ndërsa shumë zona tjera mbesin pa reshje fare. Temperaturat pritet të jenë mjaft të larta dhe ajri i rëndë për shkak të lagështisë së ajrit. Maksimalja pritet të arrijë deri në 32-33 gradë Celsius.
Në Shqipëri dhe rajon pritet të mbajë mot kryesisht me diell dhe shumë i nxehtë. Rrebeshe të fuqishme priten në veri të Malit të Zi, ndërsa rrebeshe mund të ketë edhe në verilindje të Shqipërisë dhe zona të izoluara në Maqedoninë Veriore.
Të dielën na pret mot kryesisht me diell dhe mjaft i nxehtë. Pasdite priten zhvillime lokale të vranësirave dhe ndonjë rrebesh shiu me vetëtima dhe bubullimë vetëm në disa zona.
Nga e hëna ulje graduale e temperaturave. Na pret mot me intervale kohore me diell dhe rrebeshe lokale shiu me vetëtima dhe bubullimë. Gjatë javës së ardhshme pritet të kemi rrebeshe të shpeshta shiu sidomos të hënën, të mërkurën dhe të enjten. Ekzistojnë gjasa për stuhi dhe shtrëngata shiu me breshër./MeteoBallkan
