Sot në Kosovë pritet të kemi mot me diell dhe mjaft të nxehtë. Do të jetë një ditë tipike verore dhe temperatura maksimale parashihet të arrijë deri në 28 gradë Celsius. Mëngjesi do të jetë mjaft i freskët, por paradite dhe në mesdite do të ketë rritje rapide të temperaturave.
Në Shqipëri, Maqedoninë e Veriut, Luginën e Preshevës dhe Mal të Zi pritet të mbajë mot me diell dhe mjaft i nxehtë. Temperaturat shënojnë rritje të mëtutjeshme ngase kemi kreshtën termike nga jugperëndimi të drejtuar direkt në drejtim të territoreve tona.
Edhe fundjava do të jetë nën ndikimin e masave mjaft të nxehta ajrore dhe do të jemi tërësisht nën ndikimin e kreshtës së ngrohtë termike nga jugperëndimi ose Afrika Veriore. Temperaturat maksimale afër 30 gradë Celsius, ndërsa në Shqipëri dhe Maqedoni edhe ndonjë shkallë mbi 30 në zonat më nxehta.
Të dielën vonë në Mal të Zi dhe veri të Shqipërisë shtim i vranësirave dhe ndonjë rrebesh shiu. Nga e hëna reshje lokale shiu në Shqipëri, Kosovë, Mal të Zi, Luginë dhe pjesë të Maqedonisë së Veriut./METEOBALLKAN
