Sipas ecurive aktuale sinoptike të martën vonë ose të mërkurën në Kosovë pritet të kemi reshje të dendura bore.
Një ciklon i cili pritet të formohet në Mesdhe afër Afrikës Veriore në kombinim me ajrin e ftohtë polar pritet të kushtëzojë reshje bore.
Cikloni është i pasur me lagështi dhe sipas të gjitha gjasave do të përfshijë territorin e Republikës së Kosovës të mërkurën. Në Shqipëri priten kryesisht reshje shiu, përpos veriut, verilindjes dhe lindjes së vendit ku priten reshje bore. Reshje bore mund të ketë edhe në juglindje të Shqipërisë kryesisht në viset kodrinore malore dhe po ashtu edhe viset kodrinore-malore të Maqedonisë së Veriut.
Sidoqoftë, përkundër sinjalit të fortë për reshje bore, ndryshime ende mund të ketë në ecuritë sinoptike dhe për çdo ndryshim eventual do ju njoftojmë në postimet tona të përditshme./Meteoballkan