Temperaturat polare kanë përfshirë rajonin tonë kurse erërat veriore po shkaktojnë që ndjesia subjektive e të ftohtit të jetë më e fortë. Gjatë natës do të kemi mot me vranësira kalimtare dhe vende-vende mund të ketë edhe kthjellime. Në ato rajone ku do të ketë kthjellime do të jetë më ftohtë ndërsa në rajonet ku do të ketë vranësira do të jetë më pak ftohtë. Sidoqoftë për ndjesinë e të ftohtit do të “përkujdesen” erërat e ftohta veriore dhe veriperëndimore.
Siç shihet në fotografinë poshtë në ultësira temperaturat minimale do të sillen nga minus1 , 2 deri në minus 4 gradë celsius, kurse në viset malore temperaturat do të jenë dukshëm më të ulëta duke u sjellur nga minus 10 e deri në minus 13 gradë celsius. Fjala është për tërë rajonin tonë, pra me përjashtim, normalisht të vendeve bregdetare të Shqipërisë ku do të jetë më nxehtë.
Edhe nesër do të kemi mot përafërsisht të ngjashëm sikur sot dhe vende-vende do të ketë mundësi që të ketë edhe fjolla bore kohë pas kohe.
FOTO : Meteociel
Modeli : GFS