Java që po hymë do të karakterizohet me mot mjaft të ndryshueshëm. Fillimi i javës do të na sjellë reshje lokale shiu,erëra herë pas here të fuqishme por asgjë ekstreme, vende-vende rrebeshe intensive ( veriperëndim të Shqipërisë), kurse në vise tjera reshje të intensitetit të ndryshëm herë pas here. Nuk do të mungojnë edhe intervalet kohore me diell.
Nga mesi i javës reshjet do të pakësohen pothuajse tërësisht me ndonjë përjashtim të vogël.
Nga e enjta në tërë rajonin tonë do të kemi ngritje të temperaturave. Priten intervale të gjata kohore me diell dhe vranësira të herëpashershme, por kryesisht pa reshje atmosferike. Temperaturat do të vazhdojnë të ngritën veçanërisht në fundjavë ku ato maksimalet mund ti afrohen shifrës 30 gradë Celsius. Edhe pse në shumicën e territorin do të jetë nxehtë dhe kryesisht thatë rrebeshet e shiut nuk do të mungojnë në veriperëndim të Shqipërisë dhe në Mal të Zi, ndërsa edhe në Kosovë vetëm ndonjëherë mund të ketë ndonjë rigë ose rrebesh afatshkurtër lokal shiu kryesisht në rajonin e Dukagjinit./Meteoballkan
