Një vorbulle ciklonike sonte dhe nesër do të depërtojë në drejtim të Evropes lindore, nga Deti Jon në drejtim të Greqisë e pastaj në drejtim të Bullgarisë dhe Rumanisë. Kjo masë ajrore do të sjellë edhe reshje të dendura atmosferike veçanërisht në Shqipërinë jugore dhe juglindore, pastaj në Maqedoninë Veriore dhe pjesë të Kosovës.
Më shumë reshje priten në lindje të Kosovës se në perëndim kësaj radhe. Reshjet e shiut do të jenë kalimtare por në disa momente të dendura në zonat e larte përmendura. Në viset malore priten reshje bore. Pas kalimit të frontit reshjet do të ndërpriten në Kosovë dhe Maqedoni, ndërsa do të vazhdojnë në formë të rigave lokale të herëpashershme në Shqipëri. Moti do të kthjellohet dhe përpos vranësirave priten edhe intervale kohore me diell.
Të martën stabilizim afatshkurtër i motit, ndërsa nga e mërkura do të kemi reshje të reja atmosferike./Meteoballkan