Moti i këndshëm dhe me diell që po mbanë sot nuk do të zgjasë shumë, ngase që nesër pritet të kemi destabilizim të atmosferës në rajonin tonë.
Temperaturat kanë shënuar rritje dhe ardhja e një fronti të ftohtë ajror mund të kushtëzojë gjatë ditës së nesëme procese të bujshme atmosferike të karakterit lokal.
Fillimisht në Shqipëri priten rrebeshe lokale shiu me vetëtima dhe bubullimë, ndërsa pasdite edhe në shumë pjesë të Kosovës dhe Maqedonisë së Veriut pritet të ketë destabilizim të fuqishëm lokal të atmosferës. Temperaturat shënojnë ulje të lehta dhe reshjet nuk do të jenë gjithëpërfshirëse. Vende-vende mund të ketë edhe breshër të imët sidomos në ato zona ku pritet të ketë bubullima./MeteoBallkan
