Gjatë ditës së nesërme në pjesën më të madhe të territorit shqiptar priten reshje shiu. Vende-vende priten reshje të dendura shiu duke mos përjashtuar edhe mundësinë për rrebeshe të fuqishme shiu me vetëtima dhe bubullimë. Reshjet më të fuqishme priten në qendër, perëndim, juglindje dhe në jug të vendit dhe shumë më të pakta priten në veri.
Edhe disa pjesë të Maqedonisë së Veriut nesër pritet të kenë reshje shiu, vende-vende edhe rrebeshe shiu me vetëtima dhe bubullimë.
Stuhi të fuqishme me shtrëngata nesër priten në jugun e Italisë dhe në Greqi, ndërsa në Kosovë do të jetë kryesisht vranët, freskët dhe me mundësi për reshje të dobëta shiu.
Nga e mërkura në tërë rajonin pritet stabilizim i motit./Meteoballkan