Siç kemi theksuar edhe në shumë postime tjera, nesër në rajon do të kemi depërtimin e parë pak më seriozë të një mase ajrore polare. Kjo masë ajrore polare do të shkaktojë ulje të temperaturave dhe reshje lokale bore.
Reshje bore priten në Kosovë dhe disa vise në veri, verilindje, lindje dhe juglindje të Shqipërisë si dhe në veriun e Malit të Zi dhe disa vise kodrinore-malore në Maqedoninë e Veriut.
Reshjet e borës nuk do të jenë të mëdha dhe nuk do të zgjasin shumë, pra do të vijnë me intervale herë pas here vende-vende. Në disa rajone në Kosovë do të kemi krijimin e shtresave simbolike veçanërisht në viset kodrinore-malore. Bora nuk do të jetë e qëndrueshme sepse nga e hëna pritet stabilizim i plotë i motit dhe ngritje e temperaturave.
Për ndonjë borë të madhe dhe më të qëndrueshme do të duhet të presim muajin Dhjetor./Meteoballkan
