Moti i keq ka bërë që të paktën 7 persona të humbin jetën në SHBA, njofton Associated Press. Në Connecticut, një burrë po largonte borën nga makina e tij, kur një makinë tjetër doli jashtë kontrollit dhe e goditi atë.
Dëbora, dhe shiu shkaktuan kaos në rrugët përgjatë verilindjes së SHBA-ve, sidomos gjatë udhëtimit në mbrëmje. Policia e Shtetit të New Jersey tha se bëhet fjalë për mbi 500 aksidente të enjten, ndërsa Policia e Shtetit të Marylandit tha se ishin rreth 400.
Shefi i Departamentit të NYPD, Terence Monahan, e quajti të enjten “një nga netë më sfiduese që ka parë në jetën e tij sa i përket trafikut, veçanërisht në Bronks dhe Manhattan”.
Ishte një “përvojë e tmerrshme” dhe “stuhi e përsosur”, deklaroi Bill de Blasio, kryebashkiaku i qytetit të Nju Jorkut, të premten për kanalin lokal të lajmeve NY1.
De Blasio u kërkoi njujorkezëve të shmangin makinat të premten, nëse është e mundur, dhe të lënë punën më herët nëse munden.
Dëbora masive
Qyteti i Nju Jorkut mori një duzinë prej gjashtë inç të dëborës, sasia më e madhe në nëntor për qytetin që nga fundi i viteve 1800. Filadelfia pa 3.6 inç, sasia më e madhe që nga 1967.
