Pas një periudhe të gjatë thatësie në rajonin tonë atmosfera është aktivizuar mjaft bujshëm duke na sjellur reshje shumë të dëshiruara dhe të nevojshme atmosferike.
Sipas ecurive aktuale sinoptike moti ditëve dhe javëve të ardhshme do të vazhdojë të jetë mjaft dinamik dhe i ndryshueshëm. Fillimisht ditën e diel në Shqipëri, Kosovë dhe Maqedoni do të kemi depërtimin e një cikloni nga Adriatiku me origjinë nga Atlantiku. Ky ciklon do të sjellë përsëri reshje të dendura shiu Shqipërisë dhe reshje mesatare shiu Kosovës dhe Maqedonisë. Reshjet e shiut do të zgjasin edhe ditën e hënë herë pas here kurse nga dita e martë ka indikacione se do të kemi depërtimin e një mase ajrore mjaft të ftohtë nga veriu i Kontinentit. Parashikimet afatgjata nuk janë mjaft të sigurta por duhet theksuar se shumë modele parashohin një trend të till dhe sipas të gjitha gjasave do të kemi një fund Nëntor mjaft të ftohtë.
Disa modele parashohin edhe reshje bore por gjithçka do të bëhet më e qartë ditëve të ardhshme kur modelet të “sqarohen” mes tyre.
Ne jemi duke i analizuar rezultatet e modeleve globale kompjuterike dhe për çdo gjë do tju informojmë me kohë./meteoballkan.
