Edhe pse temperaturat në Kosovë janë nën 20 gradë Celsius dhe nuk kemi të bëjmë me një natë tropike duket sikur është më ngrohtë për shkak të lagështisë së lartë relative të ajrit dhe ndikimit të temperaturave të larta, pra kemi të bëjmë me ndjesinë subjektive të të nxehtit.
Temperaturat reale janë komode, ndërsa ndjesia është më e lartë se temperatura reale.
Mjaft e lartë sonte është ndjesia e nxehtësisë në Shqipëri, por edhe në Kosovë dhe Maqedoninë e Veriut dhe kjo për shkak të ndikimit konstannt të masave ajrore mjaft të nxehtë që vijnë nga Mesdheu. Në Shqipëri në zonat më të nxehta kemi natë tropikale, ndërsa në viset tjera temperatura reale ka zbritur nën 20 gradë Celsius dhe nuk kemi të bëjmë me natë tropike, me ndonjë përjashtim normalisht.
Masa të nxehta ajrore do të vazhdojnë edhe ditëve dhe netëve të ardhshme, me zhvillime të rralla dhe rrebesheve lokale të shiut, ndërsa nga e marta rrebeshet e shiut do të shpeshtohen sidomos në shumë rajone të Republikës së Kosovës./METEOBALLKAN
