Plazhi i famshëm Navagio në gjirin me të njëjtin emër në Zakinthos të Greqisë do të qëndrojë i mbyllur për turistët këtë verë për shkak të frikës së rrëshqitjeve të dheut, njoftuan autoritetet greke.
Plazhi dikur u shpall më i miri në botë, dhe dallohet për shkëmbinjtë e bardhë dhe nuancat në deti Jon.
Vendimi për ndalimin e hyrjes në plazhin Navagio u rekomandua nga një ekip ekspertësh nga Organizata për Planifikimin dhe Mbrojtjen Antisizmike (OASP), pas vizitës në plazh më 8 mars, si pjesë e një kontrolli të rregullt sigurie.
Ekipi i OASP ka thënë se ekziston një rrezik i konsiderueshëm i rrëshqitjeve të dheut për shkak të erozionit të shkëmbinjve përreth.
“Siguria e banorëve dhe e vizitorëve është mbi të gjitha dhe vendimi është marrë duke marrë parasysh të dhënat e reja shkencore të OASP-së dhe presidentit të saj, profesor Efthymios Lekkas, nisur nga numri i madh i vizitorëve në zonë gjatë sezonit turistik”, ka thënë ministri i Turizmit, Vasilis Kikilias.
Plazhi i Navagios është i mbyllur për vendasit dhe vizitorët që nga shtatori i kaluar, pasi një tërmet me magnitudë 5.4 ballë bëri që shkëmbinj të mëdhenj nga shkëmbinjtë përreth të bien gati në tokë.
