Të premten, temperatura në majën e malit Uashington në New Hampshire ra në -78 gradë Celsius, që meteorologët dhe klimatologët besojnë se është ndoshta vlera më e ulët e regjistruar në historinë e Shteteve të Bashkuara.
Videoja e marrë nga Observatori Mount Washington tregon erëra jashtëzakonisht të ftohta që fryjnë mbi 160 km/h . Në fakt, sipas NASA-s, pamja e frikshme në majë të malit Uashington ishte pak më e ftohtë se temperatura mesatare në Mars këtë javë.
Moti i ftohtë në malin Uashington, një majë 1900 metra e lartë e njohur për motin e saj të paqëndrueshëm, tejkaloi rekordin prej -75 gradë të vendosur në vitin 2004. Observatori parashikoi erëra deri në 160 km/h e që mund të arrijnë deri në 205 km/h.
INSANE conditions on Mt Washington, NH. 120mph+ winds and -95°F wind chill. It is above the tropopause, meaning that these are stratospheric winds.
Footage from the summit live stream 2:30-2:40pm. #nhwx pic.twitter.com/OgDakbNn97
— Peter Forister ❄️💨❄️ (@forecaster25) February 3, 2023
I ftohti rekord në malin Uashington është pjesë e një valë të rrezikshme polare në verilindje që ka përfshirë pothuajse 50 milionë amerikanë në 15 shtete. Pjesë të Maine po përjetojnë të ftohtin më ekstrem në të paktën një brez, ndërsa qytetet si Bostoni, Providence dhe Bridgeport, Connecticut, po shohin temperatura rekord të ulëta gjatë ditës, sipas Shërbimit Kombëtar të Motit.
