Në këto momente qendra ciklonike po fillon të zhvendoset nga brigjet e Shqipërisë në drejtim të Maqedonisë, Greqisë dhe Bullgarisë. Si pasojë në territorin e Republikës së Kosovës dhe Maqedonisë pritet intensifikim i mëtutjeshëm i reshjeve edhe ashtu të dendura të borës. Apelojmë te qytetarët që të mos dalin në rrugë pa pasur nevojë. Reshje të fuqishme bore kanë përfshirë shumë pjesë të Shqipërisë, Kosovës dhe Maqedonisë deri më tani.
Janari i sivjetëm po e arsyeton epitetin e Muajit më dimëror të vitit dhe në këto momente duhet pasur shumë kujdes sidomos në komunikacion. Kaherë kemi paralajmëruar se po hymë në një dimër të ashpër dhe me shumë bore edhe pse disa na shikonin me skepticizëm. Megjithatë edhe ata kanë të drejtë sepse parashikimi i motit është jashtëzakonisht i vështirë dhe kompleks posaqërisht kur bëhetë fjalë për parashikime afatgjata.
Pra, stuhia dimërore sot arrin kulmin e saj dhe reshjet e fuqishme do të vazhdojnë deri në mbrëmje vonë kur edhe pritet që reshjet të ulin intensitetin ndërsa nesër në mëngjes pritet të ndërpriten në tërësi me ndonjë përjashtim të vogël. Fundjava na sjellë mot kryesisht të thatë dhe me acar por acari nuk do të jetë ekstrem.
Informacione tjera në postimet tona të ardhshme në meteoballkan.com./Meteoballkan.
